Түүх
Ингээд бүгдээрээ, түүхийг 30 хуудсаар ухрааж 1981 онд очицгооё. Энэ үед Нэгдсэн Улсын Oregon мужийн Portland хотноо урьд өмнө хаа ч сонсогдож байгаагүй хачирхалтай нэгэн видео тоглоом гарсан тухай яриа тархаад байлаа. Удалгүй энэ тоглоом нь муу нэрээрээ алдаршсан юм. Тоглоомыг тоглосон хүмүүс зарим нь сэтгэл мэдрэлийн өвчинд нэрвэгдэж, зарим нэг нь галзууран солиорч, нөгөө нь амиа хорлоцгоож байжээ. Тоглоомын хайрцгийг байрлуулсан газруудын ойролцоо засгийн газраас илгээсэн хар хувцастай хүмүүс байнга эргэлдэн, ажиглалт хийдэг болсон тухай хожим нь тэднийг харсан гэрч нар дурссан байдаг. Мөн тэд хүний хөл татарсан үед уг машиныг ухаж дотроос нь нэг юм авдаг байсан гэлцдэг. Гэхдээ уг машинд хийсэн зооснууд нь хэвээрээ байдаг байжээ. Уг нь зоос авах гээгүй л юм бол дотроос нь өөр юу авдаг билээ. Нийтэд тархсан ярианаас сонсох ахул уг тоглоомыг санаачлагч нь Ed Rotberg гэгч байсан бөгөөд үйлдвэрлэсэн компани нь "Sinneslöschen" буюу Германиар "Ой ухааныг устгагч" гэсэн нэртэй байсан гэлцдэг. Нөгөө нэг нь энэ бүхэн засгийн газрын явуулга байсан гэх бөгөөд тэд өөрсдийн шинэ зэвсгийг жирийн ард дээр туршсаан гэдэг. Харин өөр нэг хэсгийн ярианаас үзвэл уг вектор зураглалтай, буудалцаан бүхий тоглоомыг тоглож байх үед ямар нэгэн нууц далд илгээмж, тэмдэгт, бичээсүүд тоглоомон дотроос харагддаг гэцгээх аж. Мэргэжлийн хүмүүс энэ бүхнийг дүгнэж үзээд уг тоглоомны нүд эрээлжлэм зураглал болоод хурц тод гэрэл, хурдан тоглолт нь хүний нүдийг ядрааж, улмаар гипнози буюу ховсонд оруулдаг гэсэн дүгнэлт гаргажээ. Гэхдээ л энэ хариулт нь хангалттай бус юм. Жирийн ховсдолтонд орсон хүмүүс яагаад амиа хорлоцгоох болов?